अक्षर आकार:

राष्ट्रध्वजगीतम्

Rashtradhvajagitam

राष्ट्रध्वजगीतम्

(गीतिका) (मात्रासमक जाति) जयति त्रिवर्णै गुणगणपूर्णै जगति समिद्ध सुषमाऽऽकीर्णम् । स्नेह-सौख्य-रस गौरव-मानं धृति-मति शक्ति-सुधौघ-निधानम् ॥ जयति०॥ विश्व शान्ति हित-कृत सन्देश भ्रातृभाव समतैक निदेशम् । चारु चरित कृत-जन-सन्तोषं आधि-व्याधि भय-शोषण शोषम् ॥ जयति०॥ वीर केतुरयमुच्छ्रिन-दण्ड शौर्य प्रधर्षित रिपु दल खण्ड । शत्रु सैन्य दलनेन प्रचण्ड क्रान्तिकारि चरितामृत चण्ड ॥ जयति०॥ ध्वजमिममुन्नय, मातरमर्चय, अञ्जय देशहितार्पित-जीवम् । भञ्जय शत्रु, रञ्जय मित्र मण्डय देश, खण्डय द्वेषम् ॥ जयति०॥ कैसर श्वेत-हरित-गुणपूर्णै वर्णैर्भ्राजित-रुचिर-सुशोभम् । कैसर-वर्णित त्याग-तपोबल शौर्य धैर्य-गरिमोच्चय-पूर्णम् ॥ जयति०॥ श्वेत-वर्ण-धृत-शम-सन्तोष सत्य-अहिंसा-शान्ति-गुणौघम् । हरित-वर्ण-श्रित-वैभव भावं उन्नति-प्रगति विकास गुणाढ्यम् ॥ जयति०॥ धर्म-चक्र-संसूचित धर्मं धर्मं-नय धर्मार्पित देहम् । प्रगति-सूचक चक्रमिदं ते सूर्य-चक्रमिव हास विकासम् ॥ जयति०॥ लोक-हिताय जगद्धित हैतो भ्रातृभाव समता-सुख-हेतो । प्रगति विकास-समुन्नति-हेतो विलसेद् राष्ट्रध्वज सुख सेतु ॥ जयति०॥ क्रान्तिकारिभिर्जीवन-दानैः शान्ति-पथैः सर्वस्व प्रदानैः । वीर धीर-जन-जीवन त्यागैः, अर्चितमेतत् प्रतिपल रम्यम् ॥ जयति०॥ क्रान्ति शौर्य धृति-जीवन-दान शिक्षय लोक, शोषय शोकम् । षष्टि-कोटि-जय-नाद-समुर्त्यम् । विहरेद् विलसेद् गौरव-पूर्णम् ॥ जयति०॥