अक्षर आकार:

हिमाद्रिवैभवं केदारनाथः

Himadri Vaibhavam Kedaranatha

हिमाद्रिवैभवं केदारनाथः

(ख। श्रीकेदारनाथः) (गीतिका) (मात्रासमक जाति) जय जय जय हे जय केदार ! भारत सुषमा-गरिमाऽऽधार ! कीर्ति सुधा ते प्रतिपल-हृद्या, मानस-पाप-नाश-सुमनोज्ञा ॥ जय०॥ हैम-मण्डितो हिम गिरि-शोभं सतत-हिमानी-सुषमा-हृद्यम् । हिमतति-पूतं-मनोरम-वेषं, हैम-शान्ति-हृत-मानस-क्लेशम् ॥ जय०॥ देवागारमिदं सुपवित्रं शैव-धर्म कृत-मूर्ति-गुणोच्चम् । शैव-मन्दिराऽऽहृत जन-सङ्घं केदाराऽञ्चित-पावन-धामम् ॥ जय०॥ शिल्पकला-गरिमोच्चय-पूर्णं, सुन्दर-सुघटित हृषदभिरामम् । स्वर्ण श‍ृङ्ग-मुकुटाञ्चित-शोभं, भक्ति-भावना-हृत-जन-क्षोभम् ॥ जय०॥ जाति-भेद-सदूषण-हीनं, मानस-मान मोद-मति-लीनम् । आधि-व्याधि-भय-नाश-मनोज्ञं शान्ति-सुधा सञ्चार सुहृद्यम् ॥ जय०॥ मन्दाकिनि-जल-वेग-सुरम्यं हैम-प्रपात-पात-अभिनन्द्यम् । गान्धि-सरोवर शोभा-रम्यं मन्दाकिनि-जनिभूरतिहृद्यम् ॥ जय०॥ मन्दाकिनि द्रोणो शुभ-रम्यं देवदारु-सरलै- रतिहृद्यं, । गौरीकुण्डं मध्ये रम्यं तप्तजलैर्हरते जन-श्रान्तिम् ॥ जय०॥ पुष्पाणां परितो रुचिराभा हरति श्रमं वितनोति मुदं च । शाट्वल शोभित पूत-वनालि, सरिता तुड्ग-तरङ्ग-मनोज्ञम् ॥ जय०॥ शान्ति-मुक्ति-सन्देश-प्रदाता, आत्मिक-शक्ति-भक्ति-मति-दाता । ज्ञान भानु हृत-भव-भय-शोकं, शान्ति-सुधा-हृत-मानस-तापम् ॥ जय०॥ विश्व शान्ति-सन्देश-सुशोभं, विश्वप्रेम शुभ भाव-प्रणुन्नः । जगति ज्ञान-ज्योतिर् वितनोतु हरतु पाप भवताप-समूहम् ॥ जय०॥