अक्षर आकार:

भारतवन्दना २

Bharatavandana 2

भारतवन्दना २

भजे भारतं चारु - शोभाऽभिरामं । शुभं शाश्वतं भारती - भव्य - धामं ॥ पदं पैतृकं मातृपीठं ललामं सदा सन्दधेऽहं मुदा पुण्य - नामम् । लसत् शुभ्र - हैमाचलं मौलि - भालं लुठत्कण्ठ - मन्दाकिनी - मञ्जुमालं वृहद्वारिधि - स्निग्ध कल्लोल - नीरै- रभिक्षालितं विश्व - वन्द्याङ्घ्रिनालम् । वहु - प्रान्तर - प्रान्त - रम्यान्तरालं पुर - ग्राम - धामाभिरामं रसालं दिगन्तश्रितं वन्य - लावण्य - जालं भजेऽहं सदा भारतं श्रीविशालम् । सदा सर्व - शान्तिप्रदं निर्विषादं भव-भ्रान्ति - भावच्छिदं निष्प्रमादं सदा निवृतं निर्भयं निर्विवादं भजे भारतं सर्व - सम्पूज्य - पादम् । -कविवर श्री श्रीधर पाठकानां