अक्षर आकार:

तीर्थस्नानफलप्रदम् श्रीविष्णुस्तोत्रं नरसिंहपुराणे

Shri Vishnustavan by Markendeya in Narasimhapurana

तीर्थस्नानफलप्रदम् श्रीविष्णुस्तोत्रं नरसिंहपुराणे

वागुवाच स्तोत्रेणानेन विप्रेन्द्र स्तुहि नारायणं प्रभुम् । नान्यथा सर्वतीर्थानां फलं प्राप्स्यसि सुव्रत ॥ १॥ मार्कण्डेय उवाच तदेवाख्याहि भगवन् स्तोत्रं तीर्थफलप्रदम् । येन जप्तेन सकलं तीर्थस्नानफलं लभेत् ॥ २॥ वागुवाच जय जय देवदेव जय माधव केशव । जय पद्मपलाशाक्ष जय गोविन्द गोपते ॥ ३॥ जय जय पद्मनाभ जय वैकुण्ठ वामन । जय पद्म हृषीकेश जय दामोदराच्युत ॥ ४॥ जय पद्मेश्वरानन्त जय लोकगुरो जय । जय शङ्खगदापाणे जय भूधरसूकर ॥ ५॥ जय यज्ञेश वाराह जय भूधर भूमिप । जय योगेश योगज्ञ जय योगप्रवर्त्तक ॥ ६॥ जय योगप्रवर्तक जय धर्मप्रवर्त्तक । कृतप्रिय जय जय यज्ञेश यज्ञाङ्ग जय ॥ ७॥ जय वन्दितसद्द्विज जय नारदसिद्धिद । जय पुण्यवतां गेह जय वैदिकभाजन ॥ ८॥ जय जय चतुर्भुज श्री जयदेव जय दैत्यभयावह । जय सर्वज्ञ सर्वात्मन् जय शंकर शाश्वत ॥ ९॥ जय विष्णो महादेव जय नित्यमधोक्षज । प्रसादं कुरु देवेश दर्शयाद्य स्वकां तनुम् ॥ १०। अध्याय १० श्लोक १९-२८, अध्याय श्लोक संख्या ५२ श्रीनरसिंहपुराणे मार्कण्डेयचरित्रे दशमोऽध्यायः ॥ १०॥ From Narasimhapurana adhyAya 10 https://archive.org/details/NarsimhaPuranGitapress