अक्षर आकार:

प्रार्थनापद्धतिः

Prarthanapaddhatih

प्रार्थनापद्धतिः

श्रीराधिकायै नमः । शुद्धगाङ्गेयगौराङ्गीं कुरङ्गीलङ्गिमेक्षणाम् । जितकोटीन्दुबिम्बास्यामम्बुदाम्बरसंवृताम् ॥ १॥ नवीनवल्लवीवृन्दधम्मिल्लोत्फुल्लमल्लिकाम् । दिव्यरत्नाद्यलङ्कारसेव्यमानतनुश्रियम् ॥ २॥ विदग्धमण्डलगुरुं गणगौरवमण्डिताम् । अतिप्रेष्ठवयस्याभिरष्टाभिरभिवेष्टिताम् ॥ ३॥ चञ्चलापाङ्गभङ्गेन व्याकुलीकृतकेशवाम् । गोष्ठेन्द्रसुतजीवातुरम्यबिम्बाधरामृताम् ॥ ४॥ त्वामसौ याचते नत्वा विलुठन् यमुनातटे । काकुभिर्व्याकुलस्वान्तो जनो वृन्दावनेश्वरि ॥ ५॥ कृतागस्केऽप्ययोग्येऽपि जनेऽस्मिन् कुमतावपि । दास्यदानप्रदानस्य लवमप्युपपादय ॥ ६॥ युक्तस्त्वया जनो नैव दुःखितोऽयमुपेक्षितुम् । कृपाद्द्योतद्रवच्चित्तनवनीतासि यत् सदा ॥ ७॥ इति श्रीरूपगोस्वामिविरचितस्तवमालायां प्रार्थनापद्धतिः समाप्ता ।