अक्षर आकार:

श्रीमद्वादिराजस्य हितोपदेशः अथवा पञ्चश्लोकी

Shrimad VadirAja's Hitopadesha or Panchashloki

श्रीमद्वादिराजस्य हितोपदेशः अथवा पञ्चश्लोकी

स्मर कृष्णं भज हरिं नम विष्णुं श्रयाच्युतम् । त्यज कामं जहि क्रोधं जहि मोहं भवालयम् ॥ १॥ श‍ृणु शौरिकथाः पुण्याः पश्य श्रीपतिविग्रहम् । जिघ्र श्रीपादतुलसीम् स्पृश वैकुण्ठवल्लभम् ॥ २॥ भुङ्क्ष्व केशवनैवेद्यं तिष्ठ माधवमन्दिरे । जपन्नारायणमनुं पठ तन्नाममङ्गलम् ॥ ३॥ पाहि प्रपन्नजनतां ब्रूहि तथ्यं हितं नृणाम् । देहि काङ्क्षितं अर्थिभ्योः याहि सज्जनसङ्गतिम् ॥ ४॥ कुरु भूतदयां नित्यं चर धर्ममहर्निशम् । जानीहि नित्यमात्मानं अवेह्यन्यद्धि नश्वरम् ॥ ५॥ पञ्चष्लोकीमिमां शश्वत् पठ धारय चिन्तय । एतावान् सर्ववेदार्थः समासेन निरूपितः ॥ ६॥ ``नास्ति नारायणसमं न भूतं न भविष्यति । एतेन सत्यवाक्येन सर्वार्थान् साधयाम्यहम्'' ॥ (महाभारतम्) इति श्रीमद्वादिराजपूज्यचरणविरचितः हितोपदेशः सम्पूर्णः ।