अक्षर आकार:

दशावतारस्तोत्रम् ५

dashAvatArastotram 5

दशावतारस्तोत्रम् ५

या त्वरा जलसञ्चारे या त्वरा वेदरक्षणे । मय्यार्ते करुणामूर्ते सा त्वरा क्व गता हरे ॥ १॥ या त्वरा मन्दरोद्धारे या त्वरामृतरक्षणे मय्यार्ते करुणामूर्ते सा त्वरा क्व गता हरे ॥ २॥ या त्वरा क्रोडवेषस्य विधृतौ भूसमुद्धृतौ । मय्यार्ते करुणामूर्ते सा त्वरा क्व गता हरे ॥ ३॥ या त्वरा चान्त्रमालायाः धारणे पोथरक्षणे । मय्यार्ते करुणामूर्ते सा त्वरा क्व गता हरे ॥ ४॥ या त्वरा वटुवेषस्य धारणे बलिबन्धने । मय्यार्ते करुणामूर्ते सा त्वरा क्व गता हरे ॥ ५॥ या त्वरा क्षत्रदलने या त्वरा मातृरक्षणे । मय्यार्ते करुणामूर्ते सा त्वरा क्व गता हरे ॥ ६॥ या त्वरा कपिराजस्य पोषणे सेतुबन्धने मय्यार्ते करुणामूर्ते सा त्वरा क्व गता हरे ॥ ७॥ या त्वरा रक्षहनने या त्वरा भ्रातृरक्षणे । मय्यार्ते करुणामूर्ते सा त्वरा क्व गता हरे ॥ ८॥ या त्वरा गोपकन्यानां रक्षणे कंसमारणे । मय्यार्ते करुणामूर्ते सा त्वरा क्व गता हरे ॥ ९॥ या त्वरा भैष्मिहरणे या त्वरा रुक्मिबन्धने । मय्यार्ते करुणामूर्ते सा त्वरा क्व गता हरे ॥ १०॥ या त्वरा बौद्धसिद्धान्तकथने बौद्धमोहने । मय्यार्ते करुणामूर्ते सा त्वरा क्व गता हरे ॥ ११॥ या त्वरा तुरगारोहे या त्वरा म्लेच्छमारणे । मय्यार्ते करुणामूर्ते सा त्वरा क्व गता हरे ॥ १२॥ सत्यव्रतार्यपुत्रेण भक्त्या कोनेरिणेरितम् । दशावतारस्तवकं पठन् मोक्षमवाप्नुयात् ॥ १३॥ इति कोनेरिणेरितं दशावतारस्तवकं समाप्तम् ॥