अक्षर आकार:

ऋग्वेद श्लोक

Selected verses from Rigveda

ऋग्वेद श्लोक

Selected verses from Rigveda १०८९१५०११ आ नो भद्राः क्रतवो यन्तु विश्वतोऽदब्धासो अपरीतास उद्भिदः । १०८९१५०१२ देवा नो यथा सदमिद् वृधे असन्नप्रायुवो रक्षितारो दिवे-दिवे ॥ १०८९१५०२१ देवानां भद्रा सुमतिरृजूयतां देवानां रातिरभि नोनि वर्तताम् । १०८९१५०२२ देवानां सख्यमुप सेदिमा वयं देवा न आयुः प्र तिरन्तु जीवसे ॥ १०८९१५०३१ तान् पूर्वया निविदा हूमहे वयं भगं मित्रमदितिं दक्षमस्रिधम् । १०८९१५०३२ अर्यमणं वरुणं सोममश्विना सरस्वतीनः सुभगा मयस् करत् ॥ १०८९१५०४१ तन् नो वातो मयोभु वातु भेषजं तन् माता पृथिवी तत्पिता द्यौः । १०८९१५०४२ तद् ग्रावाणः सोमसुतो मयोभुवस्तदश्विना श‍ृणुतं धिष्ण्या युवम् ॥ १०८९१५०५१ तमीशानं जगतस्तस्थुषस् पतिं धियंजिन्वमवसे हूमहे वयम् । १०८९१५०५२ पूषा नो यथा वेदसामसद् वृधे रक्षिता पायुरदब्धः स्वस्तये ॥ १०८९१६०६१ स्वस्ति न इन्द्रो वृद्धश्रवाः स्वस्ति नः पुषा विश्ववेदाः । १०८९१६०६२ स्वस्ति नस्तार्क्ष्यो अरिष्टनेमिः स्वस्ति नो बृहस्पतिर्दधातु ॥ १०८९१६०७१ पृषदश्वा मरुतः पृश्निमातरः शुभंयावानो विदथेषुजग्मयः । १०८९१६०७२ अग्निजिह्वा मनवः सूरचक्षसो विश्वे नो देवा अवसा गमन्निह ॥ १०८९१६०८१ भद्रं कर्णेभिः श‍ृणुयाम देवा भद्रं पश्येमाक्षभिर्यजत्राः । १०८९१६०८२ स्थिरैरङ्गैस्तुष्टुवांसस्तनूभिर्व्यशेमदेवहितं यदायुः ॥ १०८९१६०९१ शतमिन् नु शरदो अन्ति देवा यत्रा नश्चक्रा जरसं तनूनाम् । १०८९१६०९२ पुत्रासो यत्र पितरो भवन्ति मा नो मध्या रीरिषतायुर्गन्तोः ॥ १०८९१६१०१ अदितिर्द्यौरदितिरन्तरिक्षमदितिर्माता स पिता स पुत्रः । १०८९१६१०२ विश्वे देवा अदितिः पञ्च जना अदितिर्जातमदितिर्जनित्वम् ॥ १०९०१७०११ ऋजुनीती नो वरुणो मित्रो नयतु विद्वान् । १०९०१७०१२ अर्यमा देवैः सजोषाः ॥ १०९०१७०२१ ते हि वस्वो वसवानास्ते अप्रमूरा महोभिः । १०९०१७०२२ व्रता रक्षन्ते विश्वाहा ॥ १०९०१७०३१ ते अस्मभ्यं शर्म यंसन्नमृता मर्त्येभ्यः । १०९०१७०३२ बाधमानाप द्विषः ॥ १०९०१७०४१ वि नः पथः सुविताय चियन्त्विन्द्रो मरुतः । १०९०१७०४२ पूषा भगो वन्द्यासः ॥ १०९०१७०५१ उत नो धियो गोअग्राः पूषन् विष्णवेवयावः । १०९०१७०५२ कर्ता नः स्वस्तिमतः ॥ १०९०१८०६१ मधु वाता ऋतायते मधु क्षरन्ति सिन्धवः । १०९०१८०६२ माध्वीर्नः सन्त्वोषधीः ॥ १०९०१८०७१ मधु नक्तमुतोषसो मधुमत् पार्थिवं रजः । १०९०१८०७२ मधु द्यौरस्तु नः पिता ॥ १०९०१८०८१ मधुमान् नो वनस्पतिर्मधुमानस्तु सूर्यः । १०९०१८०८२ माध्वीर्गावो भवन्तु नः ॥ १०९०१८०९१ शं नो मित्रः शं वरुणः शं नो भवत्वर्यमा । १०९०१८०९२ शं न इन्द्रो बृहस्पतिः शं नो विष्णुरुरुक्रमः ॥ Verses 1-89-15-1 through 1-90-18-9-