अक्षर आकार:

श्रीशरवणप्तवदेवसेनेशषट्कम्

Shri Sharavanaptavadevaseneshashatkam

श्रीशरवणप्तवदेवसेनेशषट्कम्

करतलराजच्छक्त स्वरदपराभूतकुन्दसुमगर्व । सुरवरनिषेविताङ्घ्रे शरवणभव पाहि देवसेनेश ॥ १॥ तटिदाभदेहकान्ते कटिविलसत्पीतवर्णकौशेय । पाटितशूरासुर भो शरवणभव पाहि देवसेनेश ॥ २॥ नीलग्रीवतनूद्भव बालदिनेशानकोटिनिभदेह । कालप्रतिभटमोदद शरवणभव पाहि देवसेनेश ॥ ३॥ पदजितपङ्कज पङ्कजभवपङ्कजनेत्रमुख्यसुरवन्द्य । पदवीं प्रापय महतीं शरवणभव पाहि देवसेनेश ॥ ४॥ तारकदैत्यनिवारक तारापतिगर्वहारिषड्वक्त्र । तारक भवाम्बुराशेः शरवणभव पाहि देवसेनेश ॥ ५॥ पर्वतसुतामनोऽम्बुजसद्यःसञ्जातवासरेशतते । सर्वश्रुतिगीतविभो शरवणभव पाहि देवसेनेश ॥ ६॥ इति श‍ृङ्गेरि श्रीजगद्गुरु श्रीसच्चिदानन्दशिवाभिनवनृसिंह- भारतीस्वामिभिः विरचितं श्रीशरवणभवदेवसेनेशषट्कं सम्पूर्णम् ।