अक्षर आकार:

श्रीमल्लिकार्जुनमङ्गलाशासनम्

Shri Mallikarjuna Mangalashasanam

श्रीमल्लिकार्जुनमङ्गलाशासनम्

उमाकान्ताय कान्ताय कामितार्थप्रदायिने । श्रीगिरीशाय देवाय मल्लिनाथाय मङ्गलम् ॥ १॥ सर्वमङ्गलरूपाय श्रीनगेन्द्रनिवासिने । गङ्गाधराय नाथाय श्रीगिरीशाय मङ्गलम् ॥ २॥ सत्यानन्दस्वरूपाय नित्यानन्दविधायने । स्तुत्यायश्रुतिगम्याय श्रीगिरीशाय मङ्गलम् ॥ ३॥ मुक्तिप्रदाय मुख्याय भक्तानुग्रहकारिणे । सुन्दरेशाय सौम्याय श्रीगिरीशाय मङ्गलम् ॥ ४॥ श्रीशैले शिखरेश्वरङ्गणपतिं श्रीहाटकेशं पुन- स्सारङ्गेश्वरबिन्दुतीर्थममलङ्घण्टार्कसिद्धेश्वरम् । गङ्गां श्रीभ्रमराम्बिकाङ्गिरिसुतामारामवीरेश्वरं शङ्खञ्चक्रवराहतीर्थमनिशं श्रीशैलनाथं भजे ॥ ५॥ हस्तेकुरङ्गङ्गिरिमध्यरङ्गं श‍ृङ्गारिताङ्गङ्गिरिजानुषङ्गम् । मूर्देन्दुगङ्गम्मदनाङ्गभङ्गं श्रीशैललिङ्गं शिरसा नमामि ॥ ६॥ इति श्रीमल्लिकार्जुनमङ्गलाशासनं सम्पूर्णम् ।