अक्षर आकार:

मृत्युञ्जयस्तोत्रम्

Mrityunjaya Stotram

मृत्युञ्जयस्तोत्रम्

मृत्युञ्जयाय रुद्राय नीलकण्ठाय शम्भवे । अमृतेशाय शर्वाय महादेवाय ते नमः ॥ १॥ कालेश्वर महाकालं कालञ्जरनिवासिनम् । कालकृत्कालवेत्तारं प्रणतोऽस्मि सदा शिवम् ॥ २॥ नमस्ते बोधरूपाय कालान्तक नमोऽस्तु ते । कालाधिप नमस्तेऽस्तु सर्वकालप्रवर्तक ॥ ३॥ कलासकलरूपेण कलाभिर्विश्वरूपधृत् । विश्वेश्वर नमस्तेऽस्तु आदिकालप्रवर्तक ॥ ४॥ जय श्वेतनिमित्तोग्र मृत्युदेहनिपातन । जयाशेषसुरावास काममोहित शैलज ॥ ५॥ इति श्रीमृत्युञ्जयस्तोत्रं सम्पूर्णम् ।