अक्षर आकार:

मन्त्रसिद्धिप्रदमहादुर्गाष्टोत्तरशतनामस्तोत्रम्

Mantrasiddhiprada Mahadurga AshtottarashatanAma Stotram

मन्त्रसिद्धिप्रदमहादुर्गाष्टोत्तरशतनामस्तोत्रम्

ॐ दुर्गा भवानी देवेशी विश्वनाथप्रिया शिवा । घोरदंष्ट्राकरालास्या मुण्डमालाविभूषिता ॥ १॥ रुद्राणी तारिणी तारा माहेशी भववल्लभा । नारायणी जगद्धात्री महादेवप्रिया जया ॥ २॥ विजया च जयाराध्या शर्वाणी हरवल्लभा । असिता चाणिमादेवी लघिमा गरिमा तथा ॥ ३॥ महेशशक्तिविश्वेशी गौरी पर्वतनन्दिनी । नित्या च निष्कलङ्का च निरीहा नित्यनूतना ॥ ४॥ रक्ता रक्तमुखी वाणी वस्तुयुक्तासमप्रभा । यशोदा राधिका चण्डी द्रौपदी रुक्मिणी तथा ॥ ५॥ गुहप्रिया गुहरता गुहवंशविलासिनी । गणेशजननी माता विश्वरूपा च जाह्नवी ॥ ६॥ गङ्गा काली च काशी च भैरवी भुवनेश्वरी । निर्मला च सुगन्धा च देवकी देवपूजिता ॥ ७॥ दक्षजा दक्षिणा दक्षा दक्षयज्ञविनाशिनी । सुशीला सुन्दरी सौम्या मातङ्गी कमलात्मिका ॥ ८॥ निशुम्भनाशिनी शुम्भनाशिनी चण्डनाशिनी । धूम्रलोचनसंहारी महिषासुरमर्दिनी ॥ ९॥ उमा गौरी कराला च कामिनी विश्वमोहिनी । जगदीशप्रिया जन्मनाशिनी भवनाशिनी ॥ १०॥ घोरवक्त्रा ललज्जिह्वा अट्टहासा दिगम्बरा । भारती स्वरगता देवी भोगदा मोक्षदायिनी ॥ ११॥ इत्येवं शतनामानि कथितानि वरानने । नामस्मरणमात्रेण जीवन्मुक्तो न संशयः । पठित्वा शतनामानि मन्त्रसिद्धिं लभेत् धृवम् ॥ १२॥ इति मन्त्रसिद्धिप्रदमहादुर्गाष्टोत्तरशतनामस्तोत्रं सम्पूर्णम् ।