अक्षर आकार:

श्रीमङ्गलनायिकास्तोत्रम्

Shri Mangalanayika Stotram

श्रीमङ्गलनायिकास्तोत्रम्

ताम्रपर्णिमध्यगां दिव्यहर्त्यवासिनीम् । तप्ततापहारिणीं नौमि मङ्गलेश्वरीम् ॥ १॥ अम्बुजाक्षसोदरीं अम्बुजासनेडिताम् ॥ अक्षरादिरूपिणीं नौमि मङ्गलेश्वरीम् ॥ २॥ कण्ठहारशोभितां कुण्डलाद्यलङ्कृताम् ॥ कञ्चकादिभूषितां नौमि मङ्गलेश्वरीम् ॥ ३॥ चारुचन्द्रशेखरां चन्दनाद्यलङ्कृताम् ॥ चण्डमुण्डमर्दिनीं नौमि मङ्गलेश्वरीम् ॥ ४॥ कादिमन्त्ररूपिणीं कामराजपीठगाम् ॥ कालकालनायिकां नौमि मङ्गलेश्वरीम् ॥ ५॥ भक्तपापहारिणीं भण्डदैत्यनाशिनीम् । पुष्पबाणधारिणीं नौमि मङ्गलेश्वरीम् ॥ ६॥ पाकशासनार्चितां पाण्ड्यराजसेविताम् । हस्तपाशधारिणीं नौमि मङ्गलेश्वरीम् ॥ ७॥ दृक्कटाक्षवीक्षणां भक्तवैरिशिक्षणाम् सर्वजीवरक्षणां नौमि मङ्गलेश्वरीम् ॥ ८॥ इक्षुचापधारिणीं इन्दुमण्डलप्रभाम् ॥ इष्टसिद्धिदायिनीं नौमि मङ्गलेश्वरीम् ॥ ९॥ अम्बुजासनस्थितां अण्डकोटिनायिकाम् अङ्कुशाद्यलङ्कृतां नौमि मङ्गलेश्वरीम् ॥ १०॥ चित्रवस्त्रधारिणीं चित्रमाल्यभूषिताम् ॥ भुक्तिमुक्तिदायिनीं नौमि मङ्गलेश्वरीम् ॥ ११॥ इति श्रीमङ्गलनायिकास्तोत्रं सम्पूर्णम् । Goddess Shri Mangalambal Temple is at Palamadai,Tirunelveli. Shri Neelakanda Dikshithar Adhisthanam is at Palamadai (Neelakanda samudram) which is a small village in Tirunelveli, A Saint (Name Unknown) 4th generation of Sri Neelakanda Dikshithar, has composed Ashtottaram and Ashtakam upon Goddess Mangalambal.