अक्षर आकार:

श्रीमातङ्गी कवचम्

Shri Matangi Kavacha

श्रीमातङ्गी कवचम्

अस्य श्रीमातङ्गीकवचमन्त्रस्य महायोगीश्वरऋषिः अनुष्टुप् छन्दः श्रीराजमातङ्गी देवता पाठे विनियोगः ॥ नीलोत्पल प्रतीकाशा मञ्जनाद्रि समप्रभाम् । विनाहस्ताङ्ग निरतां मधुपात्रं च बिभ्रतीम् ॥ १॥ सर्वालङ्कार संयुक्तां श्यामलां मदशालिनीम् । नमामि राजमातङ्गीं भक्तानामिष्टदायिनीम् ॥ २॥ एवं ध्यात्वा जपेन्नित्यं कवचं सर्वकामदम् । शिखां मे श्यामला पातु मातङ्गी मे शिरोऽवतु ॥ ३॥ ललाटं पातु चण्डाली भ्रुवौ मे मदशालिनी । कर्णौ पातु मातङ्गी शङ्खौ कुण्डल शोभिता ॥ ४॥ नेत्रे पातु रक्ताक्षी नासिकां पातु मे शिवा । गण्डौ मे पातु देवेशी ओष्ठौ बिम्बफलाधरा ॥ ५॥ जिह्वां मे पातु वागीशी दन्तान् कल्याणकारिणी । पातु मे राजमातङ्गी वदनं सर्वसिद्धिदा ॥ ६॥ कण्ठं मे पातु हृद्याङ्गी वीणाहस्ता करौ मम । हृदयं पातु मे लक्ष्मी नाभिं मे विशवनायिका ॥ ७॥ मम पार्श्वद्वयं पातु सूक्ष्म मध्या महेश्वरी । शुकश्यामा कटिं पातु गुह्यं मे लोकमोहिनी ॥ ८॥ ऊरू मे पातु भद्राङ्गी जानुनी पातु शाङ्करी । जङ्घाद्वयं मे लोकेशी पादौ मे परमेश्वरी ॥ ९॥ प्रागादिदिक्षु मां पातु सर्वैश्वर्य प्रदायिनी । रोमाणि पातु मे कृष्णा भार्यां मे भववल्लभा ॥ १०॥ शरीरं सर्वतः पातु मम सर्ववशङ्करी । महालक्ष्मीर्मम धनं विश्वमाता सुता मम ॥ ११॥ श्रीमातङ्गीश्वरी नित्यं मां पातु जगदीश्वरी । मातङ्गी कवचं नित्यं य एतत्प्रपठेन्नरः ॥ १२॥ सखित्वं सकलान् लोकान् दासीभूतान्करोत्यसौ । प्राप्नोति महतीं कान्तिं भवेत्काम शतप्रभः ॥ १३॥ लभते महतीं लक्ष्मीं त्रैलोक्ये नापि दुर्लभाम् । अणिमाद्यष्ट सम्प्राप्य सञ्चरत्येष मानवः ॥ १४॥ सर्वविद्या निधिरयं भवेद्वागीश्वरेश्वरः । ब्रह्मराक्षस वेताल भूतप्रेत पिशाचकैः ॥ १५॥ ज्वलन्वह्निरिव शस्यैर्वेश्यते भूतपूर्वकैः । परमं योगमाप्नोति दिव्यज्ञानं समश्नुते ॥ १६॥ पुत्रान् पौत्रानवाप्नोति श्रीर्विद्याकान्ति संयुतान् । तद्भार्या दुर्भगा चापि कान्त्या रतिसमाभवेत् ॥ १७॥ सर्वान् कामानवाप्नोति महाभोगांश्च दुर्लभान् । भुक्तिमन्ते समाप्नोति साक्षात्परशिवो भवेत् ॥ १८॥ इति श्रीमातङ्गी कवचम् सम्पूर्णः ।