अक्षर आकार:

श्रीधूमावती ध्यानम्

shrIdhUmAvatI dhyAnam

श्रीधूमावती ध्यानम्

विवर्णा चञ्चला दुष्टा दीर्घा च मलिनाम्बरा । विमुक्तकुन्तला रूक्षा विधवा विरलद्विजा ॥ १॥ काकध्वजरथारूढा विलम्बितपयोधरा । शूर्पहस्तातिरूक्षाक्षा धूतहस्ता वरान्विता ॥ २॥ प्रवृद्धघोणा तु भृशं कुटिला कुटिलेक्षणा । क्षुत्पिपासार्दि ता ध्येया भयदा कलहास्पदा ॥ ३॥ अत्युच्चा मलिनाम्बराऽखिलजनोद्वेगावहा दुर्मना रूक्षाक्षित्रितया विशालदशना सूर्योदरी चञ्चला । प्रस्वेदाम्बुचिता क्षुधाकुलतनुः कृष्णाऽतिरूक्षप्रभा ध्येया मुक्तकचा सदाप्रियकलिर्धूमावती मन्त्रिणा ॥ ४॥ इति श्रीधूमावती ध्यानम् ॥