अक्षर आकार:

श्रीबालापञ्चरत्नस्तोत्रम्

Shri Bala Pancharatna Stotram

श्रीबालापञ्चरत्नस्तोत्रम्

आई आनन्दवल्ली अमृतकरतली आदिशक्तिः पराई माया मायात्मरूपी स्फटिकमणिमयी मामतङ्गी षडङ्गी । ज्ञानी ज्ञानात्मरूपी नलिनपरिमली नाद ओङ्कारमूर्तिः योगी योगासनस्था भुवनवशकती सुन्दरी ऐं नमस्ते ॥ १॥ बालामन्त्रे कटाक्षी मम हृदयसुखी मत्तभाव प्रचण्डी व्याली यज्ञोपवीती विकटकटितटी वीरशक्तिः प्रसन्ना । बाला बालेन्दुमौलिर्मदगजगमना साक्षिका स्वस्तिमन्त्री काली कङ्कालरूपी कटिकटिकह्रीङ्कारिणी क्लीं नमस्ते ॥ २॥ मूलाधारा महात्मा हुतवहनयनी मूलमन्त्रा त्रिनेत्रा हारा केयूरवल्ली अखिलत्रिपदका अम्बिकायै प्रियायै । वेदा वेदाङ्गनादा विनतघनमुखी वीरतन्त्रीप्रचारी सारी संसारवासी सकलदुरितहा सर्वतो ह्रीं नमस्ते ॥ ३॥ ऐं क्लीं ह्रीं मन्त्ररूपा शकलशशिधरा संप्रदायप्रधाना क्लीं ह्रीं श्रीं बीजमुख्यैः हिमकरदिनकृज्ज्योतिरूपा सरूपा । सौः क्लीं ऐं शक्तिरूपा प्रणवहरिसते बिन्दुनादात्मकोटिः क्षां क्षीं क्षूङ्कारनादे सकलगुणमयी सुन्दरी ऐं नमस्ते ॥ ४॥ अध्यानाध्यानरूपा असुरभयकरी आत्मशक्तिस्वरूपा प्रत्यक्षा पीठरूपी प्रलययुगधरा ब्रह्मविष्णुत्रिरूपी । शुद्धात्मा सिद्धरूपा हिमकिरणनिभा स्तोत्रसङ्क्षोभशक्तिः सृष्टिस्थित्यन्तमूर्ती त्रिपुरहरजयी सुन्दरी ऐं नमस्ते ॥ ५॥ इति श्रीबालापञ्चरत्नस्तोत्रं सम्पूर्णम् ।