अक्षर आकार:

श्रीवेदव्यासकरावलम्बनस्तोत्रम्

Shri Veda Vyasa Karavalambana Stotram

श्रीवेदव्यासकरावलम्बनस्तोत्रम्

त्रय्या विकासकमजं मुहुरन्तदेव सञ्चिन्त्य मध्वगुरुपादयुगं गुरूंश्च । वेदेश पादजलजं हृदि साधुकृत्वा संप्रार्थये श्रुतिविकासक हस्तदानम् ॥ १॥ पद्मासनादि सुरसत्तमभूसुरादि सल्लोक बोधदहरे बदरी निवासिन् । सच्छास्त्रशस्त्र हृतसत्कुमते सदिष्ट वासिष्ठकृष्ण ममदेहि करावलम्बम् ॥ २॥ आम्नाय विस्तर विशारद शारदेश भूतादिपादिसुरसंस्तुत पादपद्म । योगीश योगि हृदयामलकञ्जवास वासिष्ठकृष्ण ममदेहि करावलम्बम् ॥ ३॥ सद्ब्रह्मसूत्र वरभारत तन्त्रपूर्व निर्माण निर्मलमतेखिलदोषदूर । आनन्दपूर्ण करुणाकर वेवदेव वासिष्ठकृष्ण ममदेहि करावलम्बम् ॥ ४॥ अर्कात्मजा जलतरङ्गविचारिचारु वायूपनीत शुभगन्ध तरूपवासिन् । अर्कप्रभैणवरचर्मधरोरु धामन् वासिष्ठकृष्ण ममदेहि करावलम्बम् ॥ ५॥ तर्काभयेतकरतात शुकस्य कीट राज्य प्रदाघटित सङ्घटकात्म शक्ते । भृत्यार्तिहन् प्रणत पूरुसुवंशकारिन् वासिष्ठकृष्ण ममदेहि करावलम्बम् ॥ ६॥ काले जले जलद नील कृतोरुवर्मन् आम्नायहारिसुरवैरि हरावतार । मत्स्यस्वरूप कृत कञ्जज वेददान वासिष्ठकृष्ण ममदेहि करावलम्बम् ॥ ७॥ गीर्वाणदैत्य बललोलित सिन्धु मग्न मन्थाचलोद्धरण देवसुधाप्तिहेतोः । कूर्मस्वरूप धृतभूधर नीरचारिन् वासिष्ठकृष्ण ममदेहि करावलम्बम् ॥ ८॥ क्षोणीहरोरुबलदैत्य हिरण्यनेत्र प्रध्वंस दंष्ट्रयुगलाग्र सुरप्रमोद । पृथ्वी धराध्वरवराङ्ग वराहरूप वासिष्ठकृष्ण ममदेहि करावलम्बम् ॥ ९॥ प्रह्लाद शोकविनिमोचन देवजात सन्तोषदोरुबलदैत्य हिरण्यदारिन् । सिंहास्यमानुषशरीरयुतावतार वासिष्ठकृष्ण ममदेहि करावलम्बम् ॥ १०॥ देवेन्द्रराज्यहरदान वराजयज्ञ शालार्थि रूपधर वज्र धरार्तिहारिन् । याञ्चामिषादसुरवञ्चक वामनेश वासिष्ठकृष्ण ममदेहि करावलम्बम् ॥ ११॥ तातापकारिनृपवंशवनप्रदाह वह्ने भ्रगुप्रवरराम रमानिवास । सूर्या०शुशुभ्र परशुप्रवरायुधाड्य वासिष्ठकृष्ण ममदेहि करावलम्बम् ॥ १२॥ रक्षोधिराज दशकन्धर कुम्भकर्ण पूर्वारि कालनमरुव्वरसूनुमित्र । सीतामनोहर वराङ्ग रघूत्थराम वासिष्ठकृष्ण ममदेहि करावलम्बम् ॥ १३॥ कृष्णाप्रियाप्रियकरावनिभारभूत राजन्यसूदन सुरद्विजमोददायिन् । भैष्मीपुरःसरवधूवर केलिकृष्ण वासिष्ठकृष्ण ममदेहि करावलम्बम् ॥ १४॥ सद्धर्मचारिजिनमुख्य सुरारिवृन्द सम्मोहन त्रिदशबोधन बुद्द रूप । उग्रादिहेति निचयग्र सनामितात्मन् वासिष्ठकृष्ण ममदेहि करावलम्बम् ॥ १५॥ ज्ञानादिसद्गुणविहीन जन प्रकीर्ण काले कले स्तुरगवाहन दुष्टपारिन् ॥ कल्किस्वरूप कृतपूर्वयुग प्रवृत्ते । वासिष्ठकृष्ण ममदेहि करावलम्बम् ॥ १६॥ यज्ञैतरेय कपिलर्षभदत्तधन्वं तर्यश्व सन्मुख कुमार सुयोषिदात्मन् । सद्धर्म सूनुवर तापस हंसरूप वासिष्ठकृष्ण ममदेहि करावलम्बम् ॥ १७॥ सत्केशवादि द्विषडात्मक वासुदेवा द्यात्मादिना सुचतुरूप सुशिंशुमार । कृद्धोल्कपूर्वक सुपञ्चक देवरूप वासिष्ठकृष्ण ममदेहि करावलम्बम् ॥ १८॥ नारायणादि शतरूप सहस्वरूप विश्वादिना सुबहुरूप परादिना च । दिव्याजिताद्यमितरूप सुविश्वरूप वासिष्ठकृष्ण ममदेहि करावलम्बम् ॥ १९॥ श्रीविष्णुनामग सुवर्ण सन्धितात्मन् मण्डूकसत्तनुज ह्रस्वसुनामकेन । ध्यातर्षिणा सुसुखतीर्थ कराब्ज सेव्य वासिष्ठकृष्ण ममदेहि करावलम्बम् ॥ २०॥ वैकुण्ठपूर्वक त्रिधामगतत्रिरूप स्वक्ष्यादिधामगत विश्वपुरः सरात्मन् । सत्केशवादि चतुरुत्तरविंशरूप वासिष्ठकृष्ण ममदेहि करावलम्बम् ॥ २१॥ सत्वञ्चरात्र प्रतिपाद्यरमादिरूप व्यूहात् पुरासुपरिपूज्य नवस्वरूप । विमलादि शक्तिनवकात्मक दिव्यरूप वासिष्ठकृष्ण ममदेहि करावलम्बम् ॥ २२॥ स्वायम्भुवादिमनुसंस्थित दिव्यराज राजेश्वरात्मक तथा सदुपेन्द्रनामन् । सर्वेषु राजसु निविष्ट विभूति रूप वासिष्ठकृष्ण ममदेहि करावलम्बम् ॥ २३॥ प्रद्युम्न पार्थनरवैन्य बलानिरुद्ध पूर्वेषु संस्थित विशेष विभूति रूप । ब्रह्मादि जीव निवहाख्य (हस्थ) विभिन्नकांश वासिष्ठकृष्ण ममदेहि करावलम्बम् ॥ २४॥ सत्पृश्निगर्भ पितृहृद्यगया प्रयाग वाराणसीस्थित गदाधर माधवात्मन् । श्रीवेङ्कटेश सुविमानग रङ्गनाथ वासिष्ठकृष्ण ममदेहि करावलम्बम् ॥ २५॥ सद्वारकारजतपीठ सुवर्णपूर्व ब्रह्मण्य मध्यमठ पाजक संस्थितात्मन् । रूपैर्गुणैरवयवैस्ततितः स्वनन्त वासिष्ठकृष्ण ममदेहि करावलम्बम् ॥ २६॥ वेदेश मद्गुरुकरार्चित पादपद्य श्रीकेशव ध्रुवविनिर्मित दिव्यमूर्ते । श्रीभीमरथ्य मलतीर मणूर वासिन् वासिष्ठकृष्ण ममदेहि करावलम्बम् ॥ २७॥ श्रीपाण्डुरङ्ग सुस्यमन्तक गण्डिकाश्री मुष्णादिक्षेत्रवरसंस्थित नैकरूप (मूर्ते) काञ्चीस्थसद्वरदराज(सु) त्रिविक्रमात्मन् वासिष्ठकृष्ण ममदेहि करावलम्बम् ॥ २८॥ अआदिक्षान्तततवर्णसुवाच्यभूत (तैः) निर्भेद मूर्तिकमहासदजादिरूपैः । शक्त्यादिभिर्विगत भेद दशैक रूप वासिष्ठकृष्ण ममदेहि करावलम्बम् ॥ २९॥ सूर्यानलप्रभृति हृद्दुरितौघतूल राशि प्रदाहक सुदर्शन रूपकेश । नारायण प्रभृतिरूप सुपञ्चकात्मन् वासिष्ठकृष्ण ममदेहि करावलम्बम् ॥ ३०॥ इच्छादि शक्ति त्रितयेन तथाणिमादि शक्त्यष्टकेनविगताखिल भेदमूर्ते । सन्मोचकादि नवशक्ति विभिन्न देह (कांश) वासिष्ठकृष्ण ममदेहि करावलम्बम् ॥ ३१॥ जीवस्वरूप विनियामक बिम्बरूप मूलेशनामक सुसारभुगिन्दु (भुगिन्ध) रूप । प्रादेशरूपक विराडथ पद्मनाभ वासिष्ठकृष्ण ममदेहि करावलम्बम् ॥ ३२॥ क्षी (क्षा)राब्धिसङ्गत महाजलवाडवाग्नि स्थरूप परमाणुगताणु रूप (मूर्ते) । अव्याकृताम्बरगतापरिमेयरूप वासिष्ठकृष्ण ममदेहि करावलम्बम् ॥ ३३॥ ब्रह्मादि सर्वजगतः सुविशेषतोपि सर्वत्र संस्थिति निमित्तत एव चास । व्यासः स वीति हि श्रुतेरिति व्यासनामन् वासिष्ठकृष्ण ममदेहि करावलम्बम् ॥ ३४॥ निर्दोष पूर्णगुणचिज्जडभिन्नरूप श्रुत्यायतस्त्व धिगतोसि ततस्त्वनामन् । सत् श्रीकराख्य हरिनामक व्यूहरूप वासिष्ठकृष्ण ममदेहि करावलम्बम् ॥ ३५॥ पैलौडुलोमि वरजैमिनिकाशकृत्स्न कार्ष्णाजिनिप्रभृतिशिष्य सुसेविताङ्घ्रे । कानीन मद्गुरु सुसेव्य पदाब्जयुग्म वासिष्ठकृष्ण ममदेहि करावलम्बम् ॥ ३६॥ नानाविकर्मजनिताशुभसागरान्तः सम्भ्राम्यतः प्रतिहतस्य षडूर्मिजालैः । पुत्रादिनक्र निगृहीत शरीरकस्य वासिष्ठकृष्ण ममदेहि करावलम्बम् ॥ ३७॥ आशामद प्रभृति सिंहवृकादिसत्व कीर्णेटतो भवभयङ्कर काननेस्मिन् । पञ्चेषुचोरहृतबोध सुवित्तकस्य वासिष्ठकृष्ण ममदेहि करावलम्बम् ॥ ३८॥ लक्ष्मीनिवास भवनीरविहीनकूप मध्यस्थितस्य मदभार विभिन्नबुद्धेः ॥ तृष्णाख्यवारण भयेन दिगन्तभाजो वासिष्ठकृष्ण ममदेहि करावलम्बम् ॥ ३९॥ अज्ञानमोहपटलाद्गत चक्षुषोलं मार्गान्निजात् स्खलत ईश दयाम्बुराशे । किङ्गम्यमित्यविरतं रटतो रमेश वासिष्ठकृष्ण ममदेहि करावलम्बम् ॥ ४०॥ आजन्म जीर्णबहुदोषिण ईशजातु त्वत्पाद नीरजयुगं हृदिकुर्वतोमे । देवापराधमनवेक्ष्यच वीक्ष्य भक्तं वासिष्ठकृष्ण ममदेहि करावलम्बम् ॥ ४१॥ आम्नाय भारत पुराण सरः प्रभूत वासिष्ठ कृष्ण नु(स्तु)ति पङ्कजमालिकेयम् । देवत्वदर्थममलां रचितोचितां तां कृत्वाध्रियस्व हृदये भवभूतिदो मे ॥ ४२॥ वासिष्ठकृष्ण पदपद्म मधुव्रतेन वेदेशतीर्थ गुरुसेवक यादवेन । हस्तावलम्बनमिदं रचितं पठेद्य स्तस्य प्रदास्यति करं बदरी निवासी ॥ ४३॥ वेदेशतीर्थगुरुमानस नीरजस्थ श्रीमध्वहृत्कमलवासि रमा निवासः । प्रीतोस्त्वनेन शुभदो ममदेव पूजा व्याख्या (स्तुत्या)दि सत्कृति कृतो बदरी निवासी ॥ ४४॥ इति श्रीयादवार्यविरचितं श्रीवेदव्यासकरावलम्बनस्तोत्रं सम्पूर्णम् ॥