श्रीशिर्डीसाईबाबाष्टकम्
पत्रग्रामसमुद्भूतं द्वारकामाई वासिनम् ।
भक्ताभीष्टप्रदं देवं साईनाथं नमाम्यहम् ॥ १॥
महोन्नतकुले जातं क्षीराम्बुधिसमे शुभे ।
द्विजराजं तमोघ्नं तं साईनाथं नमाम्यहम् ॥ २॥
जगदुद्धारणार्थं यो नररूपधरो विभुः ।
योगिनं च महात्मानां साईनाथं नमामि तम् ॥ ३॥
साक्षात्कारं जयो लाभे स्वात्मारामो गुरोर्मुखात् ।
निर्मलं ममताघ्नं तं साईनाथं नमाम्यहम् ॥ ४॥
यस्य दर्शनमात्रेण नश्यन्ति व्याधिकोटयः ।
सर्वे पापाः प्राणश्यन्ति साईनाथं नमामि तम् ॥ ५॥
नरसिंहादि शिष्याणां ददौ योऽनुग्रहं गुरुः ।
भवबन्धनहर्तारं साईनाधं नमामि तम् ॥ ६॥
धनवन्तं दरिद्रं च, समदृष्ट्यैव पश्यति ।
करुणसागरं देवं साईनाथं नमामि तम् ॥ ७॥
समाधिस्थोऽपि यो भक्त्या समदृष्ट्यार्थदश्च यः ।
अचिन्त्यमहिमानं तं साईनाथं नमाम्यहम् ॥ ८॥
इति श्रीशिर्डीसाईबाबाष्टकं सम्पूर्णम् ।
अखिलाण्डकोटि ब्रह्माण्डनायक राजाधिराज योगिराज परब्रह्म
श्रीसच्चिदानन्द सद्गुरु साईनाथमहाराज की जै ।
ॐ साईनाथाय नमः ।
सोशल मीडिया पर शेयर करें:
सहेजें एवं डाउनलोड करें (Save & Export):