श्रीरामकृष्णस्तोत्र १
ॐ ह्रीं ऋतं त्वमचलो गुणजिद्गुणेड्यो
नक्तं दिवं सकरुणं तव पादपद्मम् ।
मोहङ्कषं बहुकृतं न भजे यतोऽहं
तस्मात्त्वमेव शरणं मम दीनबन्धो ॥ १॥
भक्तिर्भगश्च भजनं भवभेदकारि
गच्छंत्यलं सुविपुलं गमनाय तत्त्वम् ।
वक्त्रोद्धृतंतु हृदि मे न च भाति किंचित्
var वक्त्रोद्धृतोऽपि हृदये न मे
तस्मात्त्वमेव शरणं मम दीन बन्धो ॥ २॥
तेजस्तरंति तरसा त्वयि तृप्ततृष्णाः var त्वरितं त्वयि
रागे कृते ऋतपथे त्वयि रामकृष्णे ।
मर्त्यामृतं तव पदं मरणोर्मिनाशं
तस्मात्त्वमेव शरणं मम दीनबन्धो ॥ ३॥
कृत्यं करोति कलुषं कुहकांतकारि
ष्णांतं शिवं सुविमलं तव नाम नाथ ।
यस्मादहं त्वशरणो जगदेकगम्य
तस्मात्त्वमेव शरणं मम दीनबन्धो ॥ ४॥
ॐ स्थापकाय च धर्मस्य सर्वधर्मस्वरूपिणे ।
अवतारवरिष्ठाय रामकृष्णाय ते नमः ॥
-- स्वामी विवेकानन्द
Corrections by Swami Mahayogananda.
सोशल मीडिया पर शेयर करें:
सहेजें एवं डाउनलोड करें (Save & Export):