श्रीरघुनाथदासगोस्वामिनः प्रार्थना
प्रातः पीतपटे कुचोपरिरुषा घूर्णाभरे लोचने
बिम्बौष्ठे पृथु वीक्षते जटिलया सन्दृश्यमाने मुहुः ।
वाचा युक्तिजुषा मृषा ललितया तां संप्रतार्य क्रुधा
दृष्ट्वेमं हृदि भीषिता स्तुतवती राधा ध्रुवं पातु वः ॥ १॥
पीकपटुरववाद्यैर्भृङ्गझङ्कारगानईः
स्फुरदतुलकुडुङ्गक्रोडरङ्गे सरङ्गम् ।
स्मरसदसि कृतोद्यन्नृत्यतः श्रान्तगात्रं
व्रजनवयुवयुग्मं नर्तकं वीजयानि ॥ २॥
कुहूकण्ठीकण्ठादपि कमनकण्ठी मयि पुन-
र्विशाखा गानस्यापि च रुचिरशिक्षां प्रणयतु ।
यथाहं तेनैतद्युवयुगलमुल्लास्य सगणा-
ल्लभे रासे तस्मान्मणिप्रदकहारानिह मुहुः ॥ ३॥
कान्त्या निन्दन्तमुद्यजलधरनिचयं तप्तकार्तस्वभावं
वासो बिभ्राणमीषत्स्मितरुचिरमुखाम्भोजमाकल्पिताङ्गम् ।
वामाङ्के राधिकां तां प्रथमरसकलाकेलिसौभाग्यमत्तं
आलिङ्ग्यालापभङ्ग्या व्रजपतितनयं स्मेरयन्तं स्मरामि ॥ ४॥
इति श्रीरघुनाथदासगोस्वामिविरचितस्तवावल्यां
श्रीरघुनाथदासगोस्वामिनः प्रार्थना समाप्ता ।
सोशल मीडिया पर शेयर करें:
सहेजें एवं डाउनलोड करें (Save & Export):