अक्षर आकार:

श्रीमार्कण्डेयाष्टोत्तरशतनामावलिः

Shri Markandeya Ashtottarashatanamavali 108 Names

श्रीमार्कण्डेयाष्टोत्तरशतनामावलिः

अस्य श्रीमार्कण्डेयमन्त्रस्य जैमिनिरृषिः मार्कण्डेयो देवता । मार्कण्डेय अङ्गुष्ठाभ्यां नमः हृदयाय नमः । महाभाग तर्जिनीभ्यां नमः शिरसे स्वाहा । सप्तकल्पान्तजीवन मध्यमाभ्यां नमः शिखायै वषट् । आयुरारोग्यमैश्वर्यं अनामिकाभ्यां नमः कवचाय हूम् । देहि मे कनिष्ठिकाभ्यां नमः नेत्रत्रयाय वौषट् । मुनिपुङ्गव करतलकरपृष्ठाभ्यां नमः अस्त्राय फट् ॥ अथ ध्यानम् - आजानुबाहुं जटिलं कमण्डलुधरं शुभम् । मृकण्डतनयं ध्यायेद् द्विभुजं साक्षसूत्रकम् ॥ अथाङ्गपूजा - (ॐ इति मन्त्रादौ सर्वत्र योजयेत् ।) ॐ मार्कण्डेयाय नमः पादौ पूजयामि । ॐ भृगुवंशसमुद्भवाय नमः गुल्फो पूजयामि । ॐ जगद्वन्द्याय नमः जानुनी पूजयामि । ॐ उरुस्थैर्याय नमः ऊरू पूजयामि । ॐ धर्मधात्रे नमः काटिं पूजयामि । ॐ अघनाशनाय नमः नाभिं पूजयामि । ॐ वेदविदे नमः उदरं पूजयामि । त्रिकालज्ञाय हृदयं पूजयामि । मृकण्डुपुत्राय स्तनौ पूजयामि । शुभ्रयज्ञोपवीताय कण्ठं पूजयामि । महोर्ध्वबाहवे बाहू पूजयामि । कमण्डलुधराय हस्तौ पूजयामि । प्रसन्नवदनाय मुखं पूजयामि । प्राणायामपरायणाय नासिकां पूजयामि । ज्ञानचक्षुषे नेत्रे पूजयामि । जितेन्द्रियाय कर्णौ पूजयामि । दीर्घजीवाय ललाटं पूजयामि । जटिलाय शिरः पूजयामि । इत्यङ्गपूजा ॥ अथ अष्टोत्तरशतनामपूजा - (ॐ इति प्रणवं एवं अन्ते नमः सर्वत्र योजयेत् ) । ॐ मार्कण्डेयाय नमः । भार्गवर्षभाय । ब्रह्मर्षिवर्याय । दीर्घजीवाय । महात्मने । सर्वलोकहितैषिणे । ज्ञानार्णवाय । निर्विकाराय । वाग्यताय । जितमृत्यवे । संयमिने । ध्वस्तक्लेशान्तरात्मने । दुराधर्षाय । धीमते । निःसङ्गाय । भूतवत्सलाय । परमात्मैकान्तभक्ताय । निर्वैराय । समदर्शिने । विशालकीर्तये नमः । २० ॐ महापुण्याय नमः । अजराय । अमराय । त्रैकालिकमहाज्ञानाय । विज्ञानवते । विरक्तिमते । ब्रह्मवर्चस्विने । पुराणाचार्याय । प्राप्तमहायोगमहिम्ने । अनुभूताद्भुतभगवन्मायावैभवाय । सर्वधर्मविदां वराय । सत्यव्रताय । सर्वशास्त्रार्थपरायणाय । तपःस्वाध्यायसंयुताय । बृहद्व्रतधराय । शान्ताय । जटिलाय । वल्कलाम्बराय । कमण्डलुधराय । दण्डहस्ताय नमः । ४० ॐ शुभ्रयज्ञोपवीताय नमः । सुमेखलाय । कृष्णाजिनभृते । नरनारायणप्रियाय । अक्षसूत्रधराय । महायोगाय । रुद्रप्रियाय । भक्तकामदाय । आयुष्प्रदाय । आरोग्यदायिने । सर्वैश्वर्यसुखदायकाय । महातेजसे । महाभागाय । जितविक्रमाय । विजितक्रोधाय । ब्रह्मज्ञाय । ब्राह्मणप्रियाय । मुक्तिदाय । वेदविदे । मान्धाय नमः । ६० ॐ सिद्धाय नमः । धर्मात्मने । प्राणायामपरायणाय । शापानुग्रहशक्ताय । वन्द्याय । शमधनाय । जीवन्मुक्ताय । श्रद्धावते । ब्रह्मिष्ठाय । भगवते । पवित्राय । मेधाविने । सुकृतिने । कुशासनोपविष्टाय । पापहराय । पुण्यकराय । जितेन्द्रियाय । अग्न्यर्कोपासकाय । धृतात्मने । धैर्यशालिने नमः । ८० ॐ महोत्साहाय नमः । उरुस्थैर्याय । उत्तारणाय । सिद्धसमाधये । क्षमावते । क्षेमकर्त्रे । श्रीकराय । समलोष्टाश्मकाञ्चनाय । छिन्नसंशयाय । संशयच्छेत्रे । शोकशून्याय । शोकहराय । सुकर्मणे । जयशालिने । जयप्रदाय । ध्यानधनाय । शान्तिदाय । नीतिमते । निर्द्वन्द्वाय । सर्वभूतात्मभूतात्मने नमः । १०० ॐ विनयपूर्णाय नमः । स्थिरबुद्धये । ब्रह्मयोगयुक्तात्मने । अन्तःसुखाय । अन्तरारामाय । अन्तर्ज्योतिषे । विगतेच्छाय । विगतभयाय नमः ॥ १०८ इति ॥ नमस्तुभ्यं द्विजश्रेष्ठ दीर्घजीविन्नमोऽस्तु ते । नारायणस्वरूपाय नमस्तुभ्यं महात्मने ॥ नमो मृकण्डुपुत्राय सर्वलोकहितैषिणे । ज्ञानार्णवाय वै तुभ्यं निर्विकाराय वै नमः ॥ इति श्रीमार्कण्डेयाष्टोत्तरशतनामावलिः समाप्ता । NA This is to be chanted for ugrarathashAnti (celebrating 60+ years) or called ShaShTyabdapUrti ShaShTi pUrti