अक्षर आकार:

कीर्तनानि सदाशिवब्रह्मेन्द्रविरचितम्

kIrtanAni sadAshivabrahmendravirachitam

कीर्तनानि सदाशिवब्रह्मेन्द्रविरचितम्

पिबरे राम रसं रागं-- यमुनाकल्याणि ताळं-- आदि पल्लवि पिबरे रामरसं रसने पिबरे राम रसं चरणं दूरीकृतपातकसंसर्गं पूरितनानाविधफलवर्गं ॥ १॥ जननमरणभयशोकविदूरं सकलशास्त्रनिगमागमसारं ॥ २॥ परिपालित सरसिज गर्भाण्डं परमपवित्रीकृतपाषाण्डं ॥ ३॥ शुद्धपरमहंसाश्रितगीतं शुकशौनककौशिकमुखपीतं ॥ ४॥
खेलति मम हृदये रागं-- अठाणा ताळं-- आदि पल्लवि खेलति मम हृदये रामः खेलति मम हृदये अनुपल्लवि मोहमहार्णवतारककारी रागद्वेषमुखासुरमारी चरणं शान्तिविदेहसुतासहचारी दहरायोध्यानगरविहारी परमहंससाम्राज्योद्धारी सत्यज्ञानानन्दशरीरी
चेतः श्रीरामं रागं-- सुरटि ताळं-- आदि पल्लवि चेतः श्री रामं चिन्तय जीमूत श्यामं चरणं अंगीकृततुंबुरुसंगीतं हनुमद्गवयगवाक्षसमेतं ॥ १॥ नवरत्नस्थापितकोटीरं नवतुलसीदळकल्पितहारं ॥ २॥ परमहंसहृद्गोपुरदीपं चरणदलितमुनितरुणीशापं ॥ ३॥
भज रे रघुवीरं रागं-- कल्याणि ताळं-- मिश्र चापु पल्लवि भज रे रघुवीरं मानस भज रे बहुधीरं अनुपल्लवि अंबुदडिंभविडंबनगात्रं अंबुदवाहननन्दनदात्रं चरणं कुशिकसुतार्पितकार्मुकवेदं वशिहृदयांबुजभास्करपादं कुण्डलमण्डनमण्डितकर्णं कुण्डलिमञ्जकमद्भुतवर्णं ॥ १॥ दण्डितसुन्दसुतादिकवीरं मण्डितमनुकुलमाश्रयशौरिं परमहंसमखिलागमवेद्यं परमवेदमकुटीप्रतिपाद्यं ॥ २॥
भज रे गोपालं रागं-- हिन्दोळं ताळं -- आदि पल्लवि भज रे गोपालं मानस भज रे गोपालं चरणं भज गोपालं भजितकुचेलं त्रिजगन्मूलं दितिसुतकालं ॥ १॥ आगमसारं योगविचारं भोगशरीरं भुवनाधारं ॥ २॥ कदनकठोरं कलुष्विदूरं मदनकुमारं मधुसंहारं ॥ ३॥ नतमन्दारं नन्दकिशोरं हतचाणूरं हंसविहारं ॥ ४॥
स्मर वारं वारं रागं-- कापि ताळं-- आदि पल्लवि स्मर वारं वारं चेतः स्मर नन्दकुमारं चरणं घोषकुटीरपयोघृतचोरं गोकुलबृन्दावनसञ्चारं ॥ १॥ वेणुरवामृतपानकठोरं विश्वस्थितिलयहेतुविहारं ॥ २॥ परमहंसहृत्पञ्चरकीरं पटुतरधेनुकबकसंहारं ॥ ३॥
ब्रूहि मुकुन्देति रागं-- कुरञ्चि ताळं-- आदि पल्लवि ब्रूहि मुकुन्देति रसने ब्रूहि मुकुन्देति चरणं केशवमाधवगोविन्देति कृष्णानन्दसदानन्देति ॥ १॥ राधारमणहरेरामेति राजीवाक्षघनश्यामेति ॥ २॥ गरुडगमननन्दकहस्तेति खण्डितदशकन्धरमस्तेति ॥ ३॥ अक्रूरप्रियचक्रधरेति हंसनिरञ्जनकंसहरेति ॥ ४॥
मानस सञ्चर रे रागं-- साम ताळं-- आदि पल्लवि मानस सञ्चर रे ब्रह्मणि मानस सञ्चर रे अनुपल्लवि मदशिखिपिञ्छालङ्कृतचिकुरे महनीयकपोलविजितमुकरे चरणं श्रीरमणीकुचदुर्गविहारे सेवकजनमन्दिरमन्दारे ॥ १॥ परमहंसमुखचन्द्रचकोरे परिपूरितमुरळीरवधारे ॥ २॥
गायति वनमाली रागं-- मिश्र कापि ताळं-- आदि पल्लवि गायति वनमाली मधुरं गायति वनमाली चरणं पुष्पसुगन्धिसुमलयसमीरे मुनिजनसेवितयमुनातीरे ॥ १॥ कूजितशुकपिकमुखखगकुञ्जे कुटिलालकबहुनीरदपुञ्जे ॥ २॥ तुलसीदामविभूषणहारी जलजभवस्तुतसद्गुणशौरी ॥ ३॥ परमहंसहृदयोत्सवकारी परिपूरितमुरळीरवधारी ॥ ४॥
क्रीडति वनमाली रागं-- सिन्धुभैरवि ताळं-- आदि पल्लवि क्रीडति वनमाली गोष्ठे क्रीडति वनमाली चरणं प्रह्ळादपराशरपरिपाली पवनात्मजजांबवदनुकूली ॥ १॥ पद्माकुचपरिरंभणशाली पटुशरशासितमालिसुमाली ॥ २॥ परमहंसवरकुसुमसुमाली प्रणवपयोरुहगर्भकपाली ॥ ३॥
भज रे यदुनाथं रागं-- पीलू ताळं-- आदि पल्लवि भज रे यदुनाथं मानस भज रे यदुनाथं चरणं गोपवधूपरिरंभणलोलं गोपकिशोरकमद्भुतलीलं ॥ १॥ कपटांगीकृतमानुषवेषं कपटनाट्यकृतकृत्स्नसुवेषं ॥ २॥ परमहंसहृत्तत्वस्वरूपं प्रणवपयोधरप्रणवस्वरूपं ॥ ३॥
प्रतिवारं वारं रागं-- कांभोजि ताळं-- मिश्रचापु पल्लवि प्रतिवारं वारं मानस भज रे रघुवीरं अनुपल्लवि कालांभोधरकन्तशरीरं कौशिकशुकशौनकपरिवारं चरणं कौसल्यादशरथसुकुमारं कलिकल्मषभयगहनकुठारं ॥ १॥ परमहंसहृत्पद्मविहारं प्रतिहतदशमुखबलविस्तारं ॥ २॥
खेलति ब्रह्माण्डे रागं-- सिन्धुभैरवि ताळं-- आदि पल्लवि खेलति ब्रह्माण्डे भगवान् खेलति ब्रह्माण्डे चरणं हंसः सोऽहं हंसः सोऽहं हंसः सोऽहं सोऽहमिति ॥ १॥ परमात्मोऽहं परिपूर्णोऽहं ब्रह्मैवाहमहं ब्रह्मेति ॥ २॥ त्वक्चक्षुः श्रुतिजिह्वाघ्राणे पञ्चविधप्राणोपस्थाने ॥ ३॥ शब्दस्पर्शरसादिकमात्रे सात्विकराजसतामसमित्रे ॥ ४॥ बुद्धिमनश्चित्ताहङ्कारे भूजलतेजोगगनसमीरे ॥ ५॥ परमहंसरूपेण विहर्ता ब्रह्मविष्णुरुद्रादिककर्ता ॥ ६॥
स्थिरता नहि नहि रे रागं-- पुन्नागवराळि ताळं-- आदि पल्लवि स्थिरता नहि नहि रे मानस स्थिरता नहि नहि रे चरणं तापत्रयसागरमग्नानां दर्पाहङ्कारविलग्नानां ॥ १॥ विषयपाशवेष्टितचितानां विपरीतज्ञानविमतानां ॥ २॥ परमहंसयोगविरुद्धानां बहुचञ्चलतरसुखसिद्धानां ॥ ३॥
नहि रे नहि रे शङ्का काचित् रागं-- मोहनं ताळं-- आदि पल्लवि नहि रे नहि रे शङ्का काचित् नहि रे नहि रे शङ्का चरणं अजमक्षरमद्वैतमनन्तं ध्यायामि ब्रह्म परं शान्तं ॥ १॥ ये त्यजन्ति बहुतरपरितापं ये भजन्ति सच्चित्सुखरूपं ॥ २॥ परमहंसगुरुभणितं गीतं ये पठन्ति निगमार्थसमेतं ॥ ३॥
चिन्ता नास्ति किल रागं-- नवरोज् ताळं-- आदि पल्लवि चिन्ता नास्ति किल तेषां चिन्ता नास्ति किल चरणं समदमकरुणासम्पूर्णानां साधुसमागमसङ्कीर्णानां ॥ १॥ कालत्रयजितकन्दर्पाणां खण्डितसर्वेन्द्रियदर्पाणां ॥ २॥ परमहंसगुरुपदचित्तानां ब्रह्मानन्दामृतमत्तानां ॥ ३॥
ब्रह्मैवाहं किल रागं-- नाथनामक्रिया ताळं-- आदि पल्लवि ब्रह्मैवाहं किल सद्गुरुकृपया ब्रह्मैवाहं किल चरणं ब्रह्मैवाहं किल गुरुकृपया चिन्मयबोधानन्दघनं तत् ॥ १॥ श्रुत्यन्तैकनिरूपितमतुलं सत्यसुखांबुधिसमरसमनघं ॥ २॥ कर्माकर्मविकर्मविदूरं निर्मलसंविदखण्डमपारं ॥ ३॥ निरवधिसत्तास्पदपदमजरं निरुपममहिमनि निहितमनीहं ॥ ४॥ आशापाशविनाशनचतुरं कोशपञ्चकातीतमनन्तं ॥ ५॥ कारणकारणमेकमनेकं कालकालकलिदोषविहीनं ॥ ६॥ अप्रमेयपदमखिलाधारं निष्प्ररपञ्चनिजनिष्क्रियरूपं ॥ ७॥ स्वप्रकाशशिवमद्वयमभयं निष् प्रतर्क्यमनपायमकायं ॥ ८॥
सर्वं ब्रह्ममयं रागं-- चेञ्चुरुट्टि ताळं-- आदि पल्लवि सर्वं ब्रह्ममयं रे रे सर्वं ब्रह्ममयं चरणं किं वचनीयं किमवचनीयं किं रचनीयं किमरचनीयं ॥ १॥ किं पठनीयं किमपठनीयं किं भजनीयं किमभजनीयं ॥ २॥ किं बोद्धव्यं किमबोद्धव्यं किं भोक्तव्यं किमभोक्तव्यं ॥ ३॥ सर्वत्र सदा हंसध्यानं कर्तव्यं भो मुक्तिनिदानं ॥ ४॥
तद्वज्जीवत्वं ब्रह्मणि रागं-- कीरवाणि ताळं-- आदि पल्लवि तद्वज्जीवत्वं ब्रह्मणि तद्वज्जीवत्वं अनुपल्लवि यद्वत् तोये चन्द्रद्वित्वं यद्वन्मुकुरे प्रतिबिंबत्वं चरणं स्थाणौ यद्वन्नररूपत्वं भानुकरे यद्वत् तोयत्वं ॥ १॥ शुक्तौ यद्वत् रजतमयत्वं रज्जौ यद्वत् फणिदेहत्वं ॥ २॥ परमहंसगुरुणाऽद्वयविद्या भणति धिक्कृतमायाविद्या ॥ ३॥
पूर्ण बोधोहं रागं-- पूर्विकल्याणि ताळं-- आदि पल्लवि पूर्णबोधोऽहं सदानन्द पूर्णबोधोऽहं अनुपल्लवि वर्णाश्रमाचारकर्मादिदूरोऽहं स्वर्णवदखिलविकारगतोऽहं चरणं प्रत्यगात्माऽहं प्रविततसत्यघनोऽहं श्रुत्यन्तशतकोटिप्रकटितब्रह्माहं नित्योऽहमभयोऽहमद्वितीयोऽहं ॥ १॥ साक्षिमात्रोऽहं प्रगलितपक्षपातोऽहं मोक्षस्वरूपोऽहमोङ्कारगम्योऽहं सूक्ष्मोऽहमनघोऽहमद्भुतात्माऽहं ॥ २॥ स्वप्रकाशोऽहं विभुरहं निष् प्रपञ्चोऽहं अप्रमेयोऽहमचलोऽहमकलोऽहं निष्प्रतर्क्याखण्डैकरसोऽहं ॥ ३॥ अजनिर्मितोऽहं बुधजनभजनीयोऽहं अजरोऽहममरोऽहममृतस्वरूपोऽहं निजपूर्णमहिमनि निहितमहितोऽहं ॥ ४॥ निरवयवोऽहं निरुपमनिष्कळङ्कोऽहं परमशिवेन्द्र श्रीगुरुसोमसमुदित - निरवधिनिर्वाणसुखसागरोऽहं ॥ ५॥
आनन्दपूर्ण बोधोहं (१) रागं-- मध्यमावति ताळं -- खण्ड चापु (झम्प) पल्लवि आनन्दपूर्णबोधोऽहं सतत - मानन्दपूर्णबोधोऽहजरोहं चरणं प्रत्यगद्वैतसारोऽहं सकल श्रुत्यन्ततन्त्रविदितोऽहं अमृतोऽहं अत्यनन्तरभावितोऽहं विदित - नित्यनिष्कलरूपनिर्गुणपदोऽहं ॥ १॥ साक्षिचिन्मात्रगात्रोऽहं परम - मोक्षसाम्राज्याधिपोऽहममृतोऽहं पक्षपातातिदूरोऽहं अधिक - सूक्ष्मोऽहमनवधिकसुखसागरोऽहं ॥ २॥ स्वप्रकाशैकसारोऽहं सदह - मप्रपञ्चात्मभावोऽहमभयोऽहं निष्प्रतर्क्योऽहं अमरोऽहं चिदह - मप्रमेयाख्यमूर्तिरेवाहं ॥ ३॥
आनन्दपूर्णबोधोहं (२) रागं-- शङ्कराभरणं ताळं -- मिश्र चापु पल्लवि आनन्दपूर्णबोधोऽहं सच्चि - दानन्दपूर्णबोधोऽहं शिवोऽहं चरणं सर्वात्मचरोऽहं परि - निर्वाणनिर्गुणनिखिलात्मकोऽहं गीर्वाणवर्यानतोऽहं काम - गर्वनिर्वापणधीरतरोऽहं ॥ १॥ सत्यस्वरूपापरोऽहं वर - श्रुत्यन्तबोधितसुखसागरोऽहं प्रत्यगभिन्नपरोऽहं शुद्ध - मन्तरहितमायातीतोऽहं ॥ २॥ अवबोधरससागरोऽहं व्योम - पवनादिपञ्चभूतातिदूरोऽहं कविवरसंसेव्योऽहं घोर - भवसिन्धुतारकपरमसूक्ष्मोऽहं ॥ ३॥ बाधितगुणकलनोऽहं बुद्ध - शोधितसमरसपरमात्माऽहं साधनजातातीतोऽहं निरु - पाधिकनिःसीमभूमानन्दोऽहं ॥ ४॥ निरवयवोऽहमजोऽहं निरुपममहिमनि निहितमहितोऽहं निरवधिसत्वघनोऽहं धीर - परमशिवेन्द्र श्रीगुरुबोधितोऽहं ॥ ५॥
कृष्ण पाहि रागं-- मध्यमावति ताळं-- आदि पल्लवि कृष्ण पाहि जितकृशानो पाहि कृष्ण वृष्णिकुलदीप विष्णो पाहि चरणं अत्यन्तसुकुमार साधुशील वर श्रुत्यन्तखेलन गोपाल लील ॥ १॥ बृन्दारक मुनिबृन्दवन्द्यपाद बृन्दावनचर वेणुरसविनोद ॥ २॥ सत्यभामा कुचकुङ्कुमाङ्कितांग सत्यकाम सनकनुत पाद गंग ॥ ३॥ परमहंसमानस विलास हंस परम पावन नाम भावित हंस ॥ ४॥
तुंग तरंगे गंगे रागं-- कुन्तळवराळि ताळं-- आदि पल्लवि तुंगतरंगे गंगे जय तुंगतरंगे गंगे अनुपल्लवि कमलभवाण्डकरण्डपवित्रे बहुविधबन्धच्छेदलवित्रे चरणं दूरीकृतजनपापसमूहे पूरितकच्छपगुच्छग्राहे परमहंसगुरुभणितचरित्रे ब्रह्मविष्णुशङ्करनुतिपात्रे