अक्षर आकार:

श्रीदत्तगुरुस्तवः

Shri Dattaguru Stava

श्रीदत्तगुरुस्तवः

(दोधकम्) भक्तजनार्ति-विकर्तित-कीर्ति वेदचतुष्टयपूजितमूर्तिम् । दण्ड-कमण्डलु-मण्डित-पिण्डमं दत्तगुरुं प्रणमामि सदाऽहम् ॥ १॥ पाटल-वस्त्र-विभूषित-देहं भस्म-विभूषित-गौर-शरीरम् । भूतिकरं भव-भीति-कुठारं दत्तगुरुं प्रणमामि सदाऽहम् ॥ २॥ सज्जन-पोषण-रक्षण-दक्षं दुर्जन-शासन-भञ्जन-मग्नम् । सत्वर-दुस्तर-दुःखहरं तं दत्तगुरुं प्रणमामि सदाऽहम् ॥ ३॥ दुःखित-वन्दित-पाद-सरोजं पद्म-सुशोभित-दक्षिण-हस्तम् । योग-निधि नव-नाथ-सनाथं दत्तगुरुं प्रणमामि सदाऽहम् ॥ ४॥ भीति-युतो भव-सिन्धु-निमग्न- स्त्वच्चरणं करवाणि शरण्यम् । अत्रिसुतं त्रिगुणादि-विहीनं दत्तगुरुं प्रणमामि सदाऽहम् ॥ ५॥ स्नास्यविमुक्तक-तीर्थ-जलौघे प्रार्थयसेऽन्नकणान् करवीरे । त्वन्महिमा न हि मानमवैति त्राहिगुरो प्रणमामि सदाऽहम् ॥ ६॥ दुःख-हुताशन-तप्तमधीरं दत्त दयार्णव दीनजनं माम् । तारय पाहि निरन्तर-तप्तं दत्तगुरो प्रणमामि सदाऽहम् ॥ ७॥ नाभिज-विष्णु-सदाशिव-मूर्ति दीन-जनावन-तत्पर-वृत्तिम् । विश्व-विषाद-विनाशन-दक्षं दत्तगुरुं प्रणमामि सदाऽहम् ॥ ८॥ अष्टकमत्रिसुतस्य सुगेयं दोधक-वृत्तमिदं रमणीयम् । श्रीगुरुनाम सदा नमनीयं भक्तजनैः सततं स्मरणीयम् ॥ ९॥ इति श्री आपटीकरविरचितः श्रीदत्तगुरुस्तवः सम्पूर्णः ।